السلام عليكم و رحمة الله
بعد ان نسأل الله بحفظ البلاد و العباد
سيكون بعد كلامي لاذعآ فمن ليس له القدرة على الحوار او التناقش فليترك اثرآ طيبا بزيارته للموضوع فقط !
,
,
ضريح الاسمري
وما ادراك ما ضريح الاسمري ؟

,
,
اخبرني احد السكان بالمدينة بقصة ما جرى البارحه و سانقل لكم القصة باختصار و بالليبي :
قالي المشكلة بين عائلتين الحمادي و العيلة الاخرى نسيت اسمها
و صارت تاني يوم العيد
ومن تاني يوم العيد و هي العيلة ادير في مشاكل و تسكر في الطرق
الى البارحة
حيث تجمعوا في ساحة زليطن احدى الساحات التي حدثت بها حرب اثناء الثورة و ماادراك ماحرب زليتن فقد و مات فيها المئات من الثوار ,
على العموم
احد افراد علاالعيلة اللي نسيت اسمها ( مش عيلة الحمادي )
ربطو الشرتولة الخضراء في الحربة متع الكلاشن و قعدوا يقيمو فيه يعني فيه طحالب معاهم هذا على حد تعبيره و الشخص مش من النوع اللي يكذب ,
المهم في البداية قعدوا يكلموا فيهم بي اسلوب لكن لما صار فيها الشرتولة الخضراء جوهم الثوار و بدي فيها الضرب و عينك ماتشوف الا النور ,
قعدو يوخرو لين وصلوا لجامع الاسمري
و ركبو فوق سطح جامعة او كلية و فوق ضريح و بدو يقنصو عالثوار ظنا من ان الضريح لن يقصف و لكن ماكانش في حل الا الرد عليهم
و قُصف الضريح متع سيدهم عبدالسلام
و اليوم الصبح تم ازالته تماما تماما حتى من رفاث الاسمري تم نقله ,,

,
,
و في الختام حفظ الله ليبيا
و حفظنا الله من شر الفتن